Yoyo
成功升讀英國大學物理治療
在港完成 HKU Electrical Engineering 學位
及後前往英國 UWE Bristol 修讀物理治療學士 (BSc Physiotherapy)
顧問的話
AAS 顧問協助轉換跑道的學生申請時的策略
- 協助增加 Personal Statement (PS) 的說服力：Yoyo 過去只有零散的急救經歷，顧問協助她將這些碎片與工程背景中的邏輯思維結合，重組成一個有動機、有能力的故事，成功突破了非科學背景的限制
- 英式面試文化的實戰模擬：工程與醫護的面試邏輯完全不同，我們安排了其他學校的模擬面試作實戰體驗，並針對英式面試的重點進行答題思維特訓，讓 Yoyo 在心儀學校面試時表現穩定
- 短時間報名過程：在錯過 1 月 UCAS Deadline 後，顧問迅速篩選仍接受申請的大學，並在短時間內完成文書與面試準備，協助 Yoyo 順利入讀，避免了浪費一年的時間成本
學生親身分享
感謝 AAS，在 PS 及面試準備，到等候 Offer 的整個申請過程之協助與陪伴
Q：在決定尋找 AAS 幫助之前，你遇到最大嘅困難係是？
在決定搵 AAS 幫手之前，我面對最大嘅困難，其實係「轉科」本身。
我過去一直讀 engineering，亦已經工作咗幾年，而今次想轉讀一個完全唔同範疇嘅學科。要說服學校我係真心、有動機、亦有能力去轉科，其實一點都唔容易。尤其係過去幾年，我並無太多直接相關嘅工作經驗，只係中學時期曾參加過急救相關活動，呢啲經歷點樣先可以變成一個有說服力嘅故事，我自己其實完全冇頭緒。
另一方面，我係過咗 UCAS main round 嘅 deadline 之後先正式決定升學方向，當時已經有唔少學校停止收新申請；而 master 方面，亦有好多課程要求申請人必須有 health-related background。可以話，無論喺時間、背景定選擇上，個情況都相當困難，亦令我一度好擔心會「冇書讀」。
Q：顧問 / AAS 團隊在哪一方面幫助最多？
AAS 顧問對我幫助最大嘅地方，係 personal statement 同面試準備。
由於我之前升讀大學時並唔需要寫 personal statement，加上今次涉及轉科，我其實完全唔知道應該點樣鋪排內容、點樣表達自己嘅動機同準備程度。AAS 嘅顧問唔單止幫我諗方向，亦幫我將零散嘅經歷整理成一個清晰、有邏輯、而且貼合學校要求嘅故事，同時亦細緻咁修正語言同表達方式，令整篇文書更專業。
至於面試方面，engineering 同 physiotherapy 本身性質好唔同，加上香港同英國嘅面試文化亦有差異，顧問就提供咗好多具體而實用嘅建議，包括準備方向、答題思路，同埋面試時應有嘅表現重點。另外，AAS 亦安排我先試一次其他學校嘅面試，當作實戰體驗，令我之後面對心儀學校時，可以表現得更穩定。
申請過程入面，最令人焦慮嘅其實係「等」。
由遞交申請、等審批、等面試，到面試完再等結果，每一個階段都需要時間，而呢段時間入面，其實好容易會不停諗「會唔會冇學校收」。即使我最後面試完係一個星期左右就收到結果，但嗰一星期入面，焦慮感仍然存在。
好在面試完之後，同 AAS 顧問溝通時，佢哋都會主動安撫情緒、解釋情況，亦會同我分析不同可能性，令我心理上冇咁慌亂，呢一點對我嚟講其實好重要。
Q：對於想去海外升學的師弟妹，你有何建議？
如果要同準備海外升學嘅師弟妹講一啲說話，我會想講兩點。
第一，唔好因為年齡，或者因為已經喺某一個科目上面花咗好多時間，就否定自己轉路嘅可能性。嚟到海外先會發現，其實有好多 local 同學都係出嚟工作幾年之後，再返大學讀書。雖然佢哋好多本身有相關背景，但呢並唔代表其他人就冇機會。重要嘅係，你係咪清楚自己想要啲咩。
第二，海外讀書唔只係讀書本身，而係一個好完整嘅生活體驗。你需要自己處理生活上各種事情，呢個過程會令人成長得快啲；同時亦可以接觸唔同文化，改善英文能力，學習一種更主動嘅學習模式。例如喺課堂上，外國學生普遍較主動發問同表達意見，呢啲都係我覺得值得學習嘅地方。
Yoyo 的澳洲留學規劃，是由 AAS 顧問協助規劃及跟進。
歡迎 WhatsApp 聯絡及查詢更多！
